والد الفنانة ياسمين صبري: كانت بليدة وطلعت روحي ويادوب نجحت بالعافية بـ5%
كتبت: أسماء حسني
كشف الدكتور أشرف صبري، والد الفنانة المصرية ياسمين صبري، تفاصيل جديدة حول سبب توتر علاقتهما وقيامه بمعاتبتها.
قائلاً:(أنا افهم الكدب لما تبقي غلبانة وتكدبي تقول أنا من عيلة كبيرة ومدارس أجنبية وعيشت في سراية وبابي كان وزير وهو بيشتغل عامل! يبقي كذب له مبرر)
وأضاف الدكتور أشرف صبري “لكن إن واحدة اتولدت لها شغالة فليبينية بتلبس من باريس لأني كنت بجيب لها لبسها من هناك ودخلت مدرسة الـEGC”.
“أرقى مدارس إسكندرية في وقتها وعاشت في فيلا بحمام سباحة وصالة جيم ولها غرفة خاصة بحمامها وكانت بليدة وطلعت روحي”.
” ويادوب نجحت بالعافية بخمسه في المية، وكانت بتروح الكلية بالعافية وأصحيها الصبح بالساعة عشان تروح الكلية وتترفد في السنة مرتين وعميدة كلية إعلام بيروت موجودة وتشهد.
وتابعت “كنت أروح دايما أقدم اعتذارات وشهادات طبية عشان ترجع الكلية وشهاداتها عندي كلها كحك وأبوها دكتور”.
” تطلع تدعي أنها عاشت حياة بائسة وغلبانة وبتكمل باقي الشهر من غير فلوس”.
“إيه الكدب والفيلم المتخلف ده انتي عايشة دور تمثيل ورثاه من جد والدتك سيد سليمان. وبتكدبي ليه”.
” حتاخدي نشان يعني على خيبتك وفقرك وصلتي وبقيتي حاجة”
وأوضح والد ياسمين صبري “إنتي بالنسبة لأبوكي حتة عيلة مش فاهمة بتعملي إيه غير إنك بتشوهي اللي رباكي عشان الناس تسأفلك”.
” حتى أخوكي بهدلتيه اللي طول عمره جنبك وبيجي من أخر الدنيا عشانك ياشيخة بطلي اللي إنتي فيه ده وحسبي الله ونعم الوكيل فيكي بطلي تجيبي سيرة عيلتك أبوكي اللي رباكي منك لله”
