نهاية مؤسفة مؤلفين قصة شقة 6 يتقدمون ببلاغ للنائب العام ضد مخرج العمل
أسماء حسني
نشبت أزمة كبيرة بين محمود وحيدة مؤلف قصة مسلسل شقة 6 وبين مسلسل المخرج محمود كامل بسبب التلاعب وتغير نهاية المسلسل إلى نهاية أخرى غير التي توجد في القصة، حيث نشر محمود وحيد عبر صفحته الشخصية على الفيس بوك قائلاً (حسبي الله ونعم الوكيل مش النهاية اللي كاتبينها).
مؤكداً (ياجماعة مش دي نهاية المسلسل اللي مكتوبة وأتغيرت وتم العبث في ورقنا من المخرج ودمر الدراما والنهاية شكراً)، وبسبب غضب محمد وحيد مما حدث قرر أنه لن يكتب جزء ثاني لمسلسل شقة 6 بعد تلك النهاية الذي وصفها بالنهاية المؤسفة، والذي أخلى مسئوليته عنها قائلاً (أخلى مسئوليتي عنها تماما وشكراً).
والجدير بالذكر أيضاً أن سعاد القاضي وهى من أحد فريق كتابة المسلسل قالت عبر صفحتها على فيس بوك (زملاء كتير نصحونا بالسكوت عن العبث والمهزلة اللي حاصلة عشان أحنا لسه جداد في السوق والناس ممكن بعد كدة متحبش تتعامل معانا أو تخاف وتقول دول بتوع مشاكل)، وتابعت سعاد (بس أنا عن نفسي وأنا مسئولة عن كتابة البوست ده بشكل شخصي مستقل أن حقيقي لو هى دي طريقة الشغل في السوق وهو ده العبث اللي داير فأنا حقيقي مش عايزة أشتغل مع حد ممكن يقلق من حد ميسبش حقه لأنه ببساطة عايزة يدوس على الحق ده).
وأضافت سعاد (دايماً طموحنا أننا نقدم حاجه تليق بعقلية المشاهد وتخاطب عقله ووجدانه .. النهاية مؤسفه مايكتبهاش طفل في تالته إبتدائي ومش ده أتكتب في الورق بتاعنا ولا ده اللي تم ترقيبه في الرقابة ودي لوحدها جريمه .. أنا بخلي مسؤليتي عن العبث ده وعن النهاية العشوائية المشوهه .. بخلي مسؤليتي عن عمل مُخجل بكل معنى الكلمه).
وأستكلمت (وبمناسبة أني قررت التصريح .. فلازم تشوفوا معايا شوية كواليس .. زي ان صاحب مطعم يتكتب له دور ويتفتح خط درامي مالوش علاقه بالقصه عشان الأستاذ قائد العمل يروح ياكل ويقعد ببلاش هو وأصحابه اللي بالمناسبه كلهم أشتغلوا واأتعملهم أدوار مالهاش علاقة بالدراما .. اشي دكتور صاحبه واشي بنت اخت مش عارفة مين وحماة مين واللي واخد بنتهم الكبيرة كل دول طبعا لازم يشتغلوا وإلا يزعلوا).
وقالت سعاد أيضاً (فتعالوا نزعل المؤلفين دول شباب لسه بتبدء يعني الورق مالوش اصحاب .. اشي مش عارف مين عايز يطلع مصلحه يقول لأ الورق عايز يتظبط شويه والمؤلفين مش راضين فانا هجيب حد يعمل اللي رافضينه وتيجي تاخد فلوس وتشلع في الورق وتقسم مع الأستاذ.. اشي الاستاذه مش مرتاحه مع الزميله في الشغل فمن فضلكم موتوها بقى او خلوا دورها ينتهى لحد كده فنرفض فطب تمام مايجوش اللوكيشن تاني واحنا نصور اللي احنا عايزينه).
وأوضحت المؤلفة سعاد القاضي (انا حقيقي مضغوطه نفسياً من فتره كبيره وكان أملي النهايه تفضل زي ماهي لكن قدر الله وماشاء فعل..وحقيقي لو كنت اتشرف بحاجه في العمل ده فانا تشرفت بالناس النجوم المحترمين ولاد الاصول الناس اللي حاولت قدر الامكان بخبرتها وبفنها واداءها العظيم لتنقذ مايمكن انقاذه)
كما وجهت في نهاية كلامها الشكر لكلاً من (الأستاذ عمنا كلنا صلاح عبدالله .. استاذه سما ابراهيم .. استاذ حمزه العيلي .. استاذ تامر نبيل .. لهم مني جزيل الشكر والتقدير)، وقاكت بالإعتذار قائله (واخيراً انا بعتذر لحضراتكم ولكل متفرج تابع بشغف ولولا المسائله القانونيه ماكنت تراجعت عن نشر الورق الأصلي..مش عارفه ممكن اوعدكم بعمل تاني ولا لأ بس انا فعلاً مش عارفه اذا كنت ممكن اكمل في وسط كل العبث ده).
يذكر أن مؤلفي مسلسل شقة 6 قام بالتقدم ببلاغ للنائب العام بسبب العبث بشغلهم من قبل مخرج العمل محمود كامل، ونص البيان (نتقدم نحن رفيق القاضي وسعاد القاضي ومحمود وحيد مؤلفي مسلسل شقة 6، ببلاغ للسيد النائب العام ضد المخرج محمود كامل مخرج العمل حيث أنه قام وآخرون بالتلاعب في السيناريو والمحتوى الدرامى للعمل دون الرجوع إلى مؤلفين العمل).
متابعين (مما أساء وأحدث خللاً وغير من فحوى الدراما ورسالة العمل المقدم وخيب آمال الجمهور المصري العظيم الذى تمنينا أن نقدم له ما يستحقه من أعمال تضاهي الأعمال العالمية في ظل التقدم الذى تسعي إليه بلدنا الحبيبه مصر في جميع الرأي اليومات، مدعيا أننا لم نكتب شئ واننا ندعى ذلك بالرغم من أن العمل مقدم في الرقابة من ثلاث نسخ مكونة من خمسة عشر حلقة باسماء المؤلفين رفيق القاضي وسعاد القاضي ومحمود وحيد ونبيل شعيب وقصة مصطفي يورى وسعاد القاضي).
بالإضافة إلى (وقد حرر المؤلفين المذكورين التنازل عن النص لصالح المنتج طارق البدراوى شركه بي برودكشن للإنتاج الفنى وتم ذلك في مقر شركة سيدارز آرت صباح برازر بالزمالك وفي حضور الأستاذ أحمد جلال، وحصلنا على أجرنا بالكامل من السيد المنتج طارق البدراوي أي أن العمل تم تسليمه متكامل وتم بيعه أيضاً مما يتنافى مع إدعاءات المخرج).
