نصر محروس عن مشاكله مع بهاء سلطان:الصلح معه يسعدني
إسراء البواردي
تحدث المنتج نصر محروس عن مشاكله مع المطرب بهاء سلطان، وأسبابها خلال لقائه مع إسعاد يونس في برنامج “صاحبة السعادة”.
وقال محروس: (أنا هقف عند بهاء سلطان علشان العشرة والعمر دة 18 أو 19 سنة دة عمر، عشرة وصداقة وبخاف عليه).
وتابع عن تفاصيل مشاكله مع بهاء سلطان (بسبب عناصر خارجية والإلتزام بالعقود، وأحنا بنشتغل مع مؤسسة علشان نبني نجم).
بالإضافة إلى (أنت محدش كان يعرفك خالص في الأول، وفجاة بقت الناس بتشدك من قمصانك فدة ليه تمن أحنا دفعناه).
وأضاف قائلاً عن رد الفعل على منصات التواصل الإجتماعي، (أتشتمت وأضايقت).
موضحاً (خصوصاً لما تكون ممنهجة أنا مش هوقف بهاء عن الشغل أنا بني ادم).
وعن تصالحه مع بهاء سلطان (الحقيقة أن احنا في الآخر هنقف عند العيش والملح والجدعنة).
مؤكداً (احنا مصريين في الآخر اتربينا على الحاجات دي فلازم نكبر للعشرة).
وأضاف (أنا هبني آخر طوبة مع بهاء سلطان وهو ماشي من عندي، وهعمل دة وأنا متنازل عن ماديات وسنين عمر والبومات جاية).
وذكر (واللي مفرحني أن بهاء أخويا فالحاجة رايحة بيت أخويا الصغير وحبيبي وصاحبي).
وقد عبر المنتج نصر محروس عن حزنه بعد فقدان والده، وقال أن سبب غيابه الفترة الماضية كان بسبب وفاة والده.
وقال محروس أثناء لقائه مع إسعاد يونس في برنامج “صاحبة السعادة” المذاع على شاشة DMC (أبويا وراني الدنيا، عرفت الدنيا والفن منه).
وتابع نصر محروس (أنا عرفت يعني ايه أب لما أبويا راح مني، وعرفت لما خلفت وبقيت بخاف).
وأوضح (ففهمت أكتر وأنا كنت شقي ودايماً كنت عامله إزعاج كان سايب الدنيا وبيدور عليا).
وأختتم حديثه قائلًا (حسيت أني اتعريت بعد وفاته).
وعن التغيرات في شخصيته قال (بقيت أهدى والحاجات اللي ملهاش لازمة أرميها).
وطرحت شركة “فري ميوزك” مساء الأحد، البرومو الرسمي لألبوم الفنان بهاء سلطان الذي يحمل أسم “سيجارة”.
وكان ذلك عبر قناتها الرسمية على موقع الفيديوهات “يوتيوب”.
وجاء طرح برومو الألبوم، بعد إنتهاء الخلافات بين بهاء سلطان والمنتج نصر محروس، بتنازل الأخير عن حقوقه.
و الجدير بالذكر أن الفنان بهاء سلطان أنهى عمله على ألبوم “سيجارة” في عام 2014.
ولم يظهر منذ وقتها للنور بسبب الخلافات التي نشبت بينه وبين المنتج نصر محروس.
