ممرضات مصر يطلقن هاشتاجات ضد الفنانة منة شلبي “كانت بتأكلنا وجبة واحدة في اليوم”
كتبت: أسماء حسني
اطلق عدد من الممرضات في مصر عدة هاشتاجات اتهموا الفنانه منه شلبي بالعنصريه واساءه معاملتهن.
وذلك بعد اتهام الفنانه المعروفه ممرضتين بالاهمال الطبي لوالدتها.
وحررت الفنانه منه شلبي محضراً ضد المرضتين التي اتهمتهما بالاهمال في رعايه والدتها الفنانه زيزي مصطفى وانهما تسببا في اصابتها بحروق
وطالبت الممرضات بتتدخل نقابه التمريض لانقاذ زميلاتهن وشهادات مختلفه حول معامله منه شلبي السيئة لهن
حيث كشفت احدى الممرضات في منشور على فيسبوك انها عملت في وقت سابق بمنزل والدة منة شلبي وهي الفنانه زيزي مصطفى ورعتها صحياً وتعرضت لمثل هذه الانتهاكات
واضافت “انا مش قادره اصدق كميه الظلم اللي بيتعرض ليه فئه التمريض تخيل تبقي سايب اهلك وبيتك ومننا اولاده”.
وتابعت “وفجأة تتحط في مكتب أمن وبعدها تترحل على النيابة، عشان انت غلبان الكلام ده علي لساني انا و انا اشتغلت مع منه شلبي”.
” وعارفه طريقتها واللي بتعمله مع التمريض وفي الاخر لمجرد لسعة غير مقصوده من قربة ميا حراريه هي اللي طلبت تتحط لمامتها ”
“تحبس بنتين وتقعدهم في مكتب أمن كأنهم حراميه او سرقوها، واكتر من حد يحاول يتواصل مع الفنانه لانه موضوع بسيط وغير مقصود بس بلاش النيابه”.
” لكن هي بعد ما خلصت إهانة وسب والفاظ وشتايم زي اللي دايما بيحصل في بيتها ودتهم على القسم وحاليا في النيابه بيتحقق معهم”
وقالت ايضاً “انا كنت شغاله معاها اكثر من ثلاث شهور شفت منها معاملة سيئة وشتايم بالفاظ نابيه”.
” وكنا بنام على الارض ومفيش سرير لينا ده غير الاكل السئ كان عباره عن وجبه واحده في اليوم”.
وصفت الممرضه اول لقاء بينها وبين الفنانه مؤكده “أول لقاء كانت بتتكلم إن والدتها اهم ما في حياتها”.
“و هي مش عايزه حاجه غير انها تبقي كويسه و انا قلت لها ده حق مامتك علينا لكن بعد لما سافرت الجونة”.
” المعامله كانت غير اكتشفت انها بتنيم التمريض على الارض اللي جاب لي انا مرض جلدي بسببه”
“الاكل اللي ممكن بيوصل وجبه واحده في اليوم لما اشتكينا كان ردها أنتم مش جايين تحققوا احلامكم هنا عندي”
وكتبت ممرضة آخرى “الصراحة انا كمان شفتها صعبه جدا و بردو كان موضوع اهبل وبهدلت التمريض بسبب كانيولا عشان ايد والدتها احمرت شوية مكانها وشتمت المستشفي ومشيت”.
ومن ناحية اخري تم اخلاء سبيل الممرضتين بضمان محل الاقامه وجاري الان تحريات المباحث في واقعه الاهمال طبقاً لما ورد في المحضر المقدم من منه شلبي.
الجدير بالذكر إن حاول موقع الرأي التواصل مع الفنانه منه شلبي ووالدتها الفنانه زيزي مصطفى.
و لكن كان رد فعل والدتها رفضت التعليق تماماً والفنانة منة شلبي لا ترد على هاتفها.
وعندما قامت بالرد قالت” انا ماشية في الاجراءات القانونيه ولا يوجد لدي أي تعليق”.
