قال رئيس الوزراء، الدكتور مصطفى مدبولي، متحدثا عن تطوير مصر القديمة، إنه يعز عليا تدهور المنطقة وفقد قيمتها وضياع تاريخها،.
أضاف «كمان الرئيس عبدالفتاح السيسي ينتمي لهذه المنطقة العزيزة جدا، وهو حريص كل الحرص على تطوير المنطقة مع تطوير كل المناطق بمصر».
كما أوضح مدبولي متحدثا عن منطقة مصر القديمة «اتبنت فيها عشوائيات والبيوت الجميلة اتهدت واتبنى مكانها عمارات مسلحة ووجدنا الأنشطة الحرفية اللي كانت بتميز المنطقة بتموت وتختفي وبيطلع مكانها محلات».
كما تابع« لذلك الدولة كان لازم تبدأ تطور المنطقة، والرئيس والحكومة ناقشنا في اجتماعات كتير هنعمل إيه في المنطقة، والدولة داخلة تطور ومش عاوزة تهجر حد، الدولة عاوزة تحافظ على البقية الباقية من المنطفة من آثار ومباني وحرف قديمة وهدفنا نرجع قيمة الحرف القديمة تاني ونرجع الناس تيجي تزور المنطقة دي اللي عمالين نفقدها».
رئيس الوزراء عن عقار فيصل المحترق: شديد الخطورة
وتحدث عن عن عقار فيصل المحترق، والذي تم نسفه أمس، خلال زيارته إلى منطقة القاهرة التاريخية اليوم.
وقال «مدبولي»، في تصريحات له على هامش زيارته إلى منطقة القاهرة التاريخية اليوم، إن هناك أنشطة شديدة الخطورة من مخازن وورش بها مواد خطرة وسط المباني، وهو ما لن يتم السماح بتركه، وسيتم إخراجه منها.
وأضاف: «شفنا الحوادث اللي حصلت في البنايات والعمارات زي اللي حصل على الطريق الدائري اللي كان به مواد شديدة الخطورة في مبنى سكني».
وتابع: «القاهرة التاريخية شوارعها ضيقة، ولو حصل مشكلة مش هنعرف نوصل.. ومن ثم هناك استخدامات نعيد النظر فيها ونطلعها بره المنطقة».
