محمد هنيدي يروى قصته مع إحدى الشقق المسكونة أثناء تصويره إحدى أعماله المسرحية
كتبت إسراء حسني
حل النجم محمد هنيدي ضيفاً على برنامج معكم منى الشاذلي التي تقدمه الإعلامية منى الشاذلي عبر قناة الـ CBC في حلقة إستثنائية، ليتحدث عن بداياته وكواليس دخوله مجال الفن وأبرز المواقف التي تعرض لها على المستويين الشخصي والمهني.
فيما يلي سنقدم لكم ملخص أبرز تصريحات محمد هنيدي خلال الجزء الأول من اللقاء:
ظهر النجم محمد هنيدي خلال الحلقة مرتدياً قميصاً مموهاً مطابقاً للزي المموه للجيش المصري، وهو ما جاء بالتزامن مع إحتفالات مصر بنصر أكتوبر العظيم.
وذكر هنيدي خلال اللقاء أنه كان يريد الإلتحاق بكلية الشرطة وحاول دخول الإختبارات خاصةً أن كثيراً من أفراد عائلته يعملون في جهاز الشرطة، لكن لم ينفع هذا الأمر في النهاية بسبب قصره، حيث أوضح قائلاً (معظم عيلتي في الشرطة وكان رموز بالنسبة لي، فقلت أنا لازم أكمل المشوار، خالي وقتها قالي طبعاً يا محمد وقام ضاحك، قلتله بتضحك ليه قالي لأ مفيش حاجة).
وتابع هنيدي قائلاً (ونزلت أندربت وقتها في الساحة الشعبية أبويا كان بيقوله أنت كده هتقصر الولد يقوله سيبني أشوف شغلي يا حاج هنيدي، وبعدها روحت الإختبارات لما جم يقيسوا طولي نزلوا المقياس كثير أوي، وبعدها لقيته بيوطي على ودني بيقولي حماده أنت عاوز أستثناء من رئيس الجمهورية).
وتحدث هنيدي أيضاً عن أنه كان يحلم بالسكن في منطقة العجمي بالإسكندرية، وبالفعل أشترى أول شقة له هناك رغم ضعف الامكانيات آنذاك، موضحاً (كنت موافق أشتري أي حاجة بسيطة، كانت غرفتين في أول دور، بس قلت للسمسار مش معايا فلوسها قالي معاك كام قلتله 10 جنيه، قالي هاتها ونكتب العقد وبعد كده قسطت الباقي).
وكشف عن تعرضه لموقف صعب بسبب حفل قديم للفنان عمرو دياب حيث قال (كنت بتمشى يوم في العجمي وكان فيلم صعيدي في الجامعة الأمريكية لسه بيتعرض، وكان عمرو دياب عامل حفلة حاضرها فوق المليون واحد، وكان فيه ناس خارجة يدوب شافوني قالو عاوزين الواد ده، بعدها واحد وقتها كتر خيره خباني عنده في المحل وأتكسر، كان يوم طويل والشرطة جت خرجتني الساعة 4 الفجر فضلت فترة بعدها بخاف أنزل وبخاف من الزحمة، قعدت تقريباً شهرين ده خير من ربنا والحمدلله وكل حاجة بس كان موقف صعب).
كما أضاف محمد هنيدي خلال حديثه عن أصعب مشاهد الأكشن التي قدمها خلال مشواره الفني مثل فبلم فول الصين العظيم الذي خاض فيه تجربة أكشن صعبة، وأوضح (عملت أكشن في أفلام كتير عملت في فيلم فول الصين العظيم والحمدلله طلعت بيه مستوى محدش طلع له، أنا من الأول بصاحب المخرج عشان أحنن قلبه عليا في مشاهد الأكشن بس مفيش مشهد كان صعب أكثر من مشهد القنبلة في فيلم فول الصين العظيم، كانو بيقولولي هتطير 25 متر ووراك قنبلة عادي كدا كأنهم بيعزموني على الغدا، وأستاذ شريف عرفة معرفنيش إننا هنصور المشهد ده يومها قالي تعالى يا حمادة عاوزينك في مشهد بس).
وصرح هنيدي خلال هذا اللقاء عن عدم حبه للأفلام عكس زوجته بأنها تحب الأفلام وتتابعها بأستمرار حيث قال ( مره قالتلي تعال أتفرج معي ولقيته فيلم مؤذي جداً فسيبتهم ورحت أوضتي، ولما رحت النور قطع و لقيت صراخ جاي منهم برا).
وحكى هنيدي عن تعرضه لموقف مرعب أثناء تواجده بشقة مسكونة بالأرواح وقت عرض مسرحية حزمني يا، حيث قال (كنت عايز أسكن لوحدي في شقة بالزمالك وكان معي صديقي أحمد عبد الله وأحنا وقاعدين في الشقه سمعنا أصوات غريبه وطبخ ودوشة طالعة من المطبخ، حسينا بعدها أن السقف بينزل عليناوفقلتله طيب أحنا نستنى لما نموت يعني لمينا حاجاتنا والصوت بيعلى أكتر لدرجة وأحنا نازلين اتكعبلت على السلم ووقعت).
