محمد نجاتي يوضح سبب إنفصال منة عرفة ومحمود المهدي
كتبت ندى السبكي
ترددت الكثير من الأنباء خلال الفترة الماضية، أن سبب إنفصال الفنانة منة عرفة عن زوجها الفنان محمود المهدي قبل عودتهما، بسبب مشهد بمسلسل فيلا 101.
وقال الفنان محمد نجاتي في إحدى المكالمات ببرنامج et بالعربى قائلاً (كل الحكاية إن أنا بعمل مسلسل فيلا 101، ومعايا منة عرفة وهي عاملة دور أختي وأنا دكتور أمراض نسا في المسلسل، في مشهد في المسلسل وهي بيغمى عليها وأنا بشيلها فرفضت منة أنها تتشال قولتلها أنا معنديش مشكلة إنى أشيلك أو مش أشيلك إحنا في النهاية بنمثل مشهد مطلوب مننا وانتي أصلاً أختي في الحقيقة وحصلت مشكلة فقولت لهم متعلموش المشهد دا).
وأضاف لكلامه قائلاً (في المشهد التاني أنا المفروض دكتور أمراض نسا وأختي بيغمى عليها فأنا بكشف عليها، بعد كدا بكتشف أنها حامل هكشف عليها إزاي من غير ما جس النبض، فقلت ليها هجس نبض إيدك، فقالتلي مش هينفع برضوا، فا أنا هنا عملت مشكلة مش معقول بقى إنتي مش عايزة حد يلمسك خلاص متنزليش من البيت أصلا ومتمثليش).
ويذكر أن الفنانة منة عرفة قد أعلنت إنفصالها عن زوجها محمود المهدي من خلال نشر منشور عبر الإنستجرام، وقال المهدي أن سبب الإنفصال ترجع إلى أنه رجل شرقي وصعيدي، ولكن تراجعا عن هذا القرار وأعلنا عودتهما مرة أخرى.
وقالت من خلال المنشور التي قامت بنشره على الإنستجرام (من أصعب اللحظات إلى ممكن تعدي على اي ست لحظة الانفصال وخراب البيت، الطلاق بيتهز له عرش الرحمن، لكن انتوا يمكن عشان بتسمعوا عن بيوت بتتخرب كل دقيقة فا بقى ابغض الحلال عن الله بنسبالكو نكتة او حاجة تتمسخروا عليها، رهان بتعملوه مع بعض على اننا مش هنكمل، أو مادة خام للشماتة فينا).
وتابعت كلامها قائلة (خراب البيت عمره ما كان حاجة سهلة على الست او على الرجل او على اهالينا، في عز ضعفي وحزني وكسرتي اللي ربنا ما يكتبها على اي ست مرحمتونيش ولا قدرتوا اني في موقف لا احسد عليه وشمتانين فينا).
وأضافت لكلامها (قد ايه انتوا ناس متعرفش ربنا ولا في في قلوبكم رحمه، اتمنوا الخير لبعض يا جماعة بلاش نشمت في بعض، لكن دي غلطتي اني شاركتكوا حياتي الشخصية… الانسان بيغلط عشان يتعلم وانا اتعلمت، ربنا يعينكوا على نفسيتكوا الجحيم دي، وعسى ان تكرهوا شيئ وهو خيرًا لكم، يمكن الخلاف اللي حصل كشفلنا ناس كتير حوالينا كانوا بيمثلوا انهم فرحانين لينا بس الحقيقي انهم كانوا مستنيين أول مشكلة عشان يشمتوا في كسرتي وخراب بيتي).
وأنهت كلامها قائلة (ربنا مش هينولهلكوا وربنا يخليلي اهلي وزوجي والناس اللي بتتمنالي الخير ووقفت جمبي، وكلمه أخيرة للسادة الصحفيين ارجوكوا كفاية بقى ارحمونا حرام عليكم).
