لانا الصبان : فزت مع الأهلي ببطولات عديدة وأتمني النجاح في دراستي
لانا الصبان : فزت مع الأهلي ببطولات عديدة وأتمني النجاح في دراستي
حوار : أحمد حنورة
لانا الصبان : فزت مع الأهلي ببطولات عديدة وأتمني النجاح في دراستي
لانا الصبان لاعبة النادي الأهلي لكرة الطائرة تنتقل لدوري الجامعات الكندية وخاصة university of manitoba –
جامعة مانيتوبا .
كيف تم الاتفاق بينك وبين الجامعة ؟
انا تواصلت مع الجامعة ووريتهم لعبي و هما وافقوا عليا و ابتدينا ناخد الخطوات المطلوبة .
ما هي اسم الجامعة التي ستلعبين في صفوفها ؟
university of manitoba – جامعة مانيتوبا .
ما هي الشروط التي حدثت في الاتفاق بينكم ؟
تم الإتفاق علي اني هاخد منحة هناك عشان اللعب و أدرس هناك طبعاً، بس السكن بتاعهم مش تبع المنحة
والكابتن هيوفرلي سكن وشغل بجانب الجامعة ليكون دخل ثابت لي .
وأضافت لانا الصبان :- انا مقررة قرار الاحتراف ده بقالي اكتر من سنة و الاهلي دائما هيفضل ناديا اللي انا متربية فيه
و انا هفضل عندي انتماء وولاء للنادي وأقدر أشرفه دوليا ، و كمان هي مش مجرد احتراف هي كمان فرصة تعليم كويس .
متي قررتي الإحتراف ؟
انا خدت القرار ده من قبل كاس العالم و كان الكابتن البرازيلي مشجعني علي الخطوة دي و اللي أخرها إن الجامعة
كمان ردت متأخر شوية بسبب الكورونا .
وأكملت لانا قائلة :- كابتن نجلاء فوزي تمنتلي النجاح والتوفيق في الفترة القادمة مع الجامعة الكندية فبشكرها جدا
علي كل الدعم اللي قدمتهولي والمساندة .
ما هو مركزك في الملعب ؟
سنتر بلوك ، مركز ٣ .
ما هي طموحاتك في الفترة المقبلة ؟
بتمني إن مستوايا يعلي في الرياضة اللي انا متربية فيها و بحبها و من ناحية العلم بتمني اني انجح في دراستي و مستقبلي .
ما هي رسالتك للنادي الأهلي ولاعيبته ؟
أنا فعلا قضيت فيه احلي ايام و فزت مع النادي ببطولات كتير و هو دايماً هيكون بيتي التاني وبتمنالهم التوفيق
وحصد كل البطولات .
وأختتمت اللاعبة قائلة :- بإذن الله تكون فترة إحتراف موفقة لي وأرجع علي بيتي تاني النادي الأهلي .
أقرا أيضا
