عمرو أديب يعلن توقف برنامجه خلال شهر أغسطس

إسراء البواردي

أعلن الإعلامي عمرو أديب عن توقف برنامجه “الحكاية” المذاع علي قناة “mbc مصر”، بدءًا من 1 أغسطس المقبل ولمدة شهر.

وأوضح عمرو أديب أنه يأخذ إجازته كل عام في شهر أغسطس قائلًا: “بقالي 25 سنة شغال في الإعلام وأي محطة بشتغل فيها بحط بند في العقد إني أخد إجازة في السنة 1 أغسطس وده شرط في العقد”.

وتابع عمرو أديب: “أنا السنة دي زي الـ25 سنة اللي فاتت هطلع إجازة علشان محدش يقول من الجماعة اللي أنتوا عارفينهم عمرو أديب هرب ومش عارف إيه، لو ليا عمر هرجع لحضراتكم تاني، ولو فيه أي حاجة هقطع الأجازة وأرجع تاني”.

وإختتم عمرو أديب حديثه: “مش هرجع للشاشة إلا إذا بلدي مش عايزاني أو المحطة مش عايزاني وقتها خلاص هروح البحر بقى بس، إنما لحد دلوقتي البلد شايفاني مقبول والقناة شايفاني كويس”.

وبرنامج “الحكاية” مع عمرو أديب يعرض من الجمعة إلى الإثنين من كل أسبوع عبر قناة mbc مصر.