علياء محمود : حققت دوري المرتبط وأنا لاعبة ومدربة للنادي الأهلي

حوار : أحمد حنورة.

كابتن علياء محمود مدرب مساعد الفريق الأول لكرة السلة سيدات بالنادي الأهلي في حوار خاص للرأي

عقب التتويج ببطولة المرتبط علي حساب نادي سبورتنج .

ما هو شعورك بعد الفوز والتتويج باللقب ؟

الحمد لله انا كسبت دوري المرتبط مع فريق الناشئين بالنادي الاهلي ، و كسبته مع الفريق الاول

ودلوقتي كسبته وانا مدربه الفريق في الميداليه و الاحساس ده بالذات مختلف جداً بالنسبالي و طبعاً اضافه كبيره ليا

ما هي أصعب مباراة في مشوار التتويج باللقب ؟

اصعب مباراه أمام سبورتنج النهائيه بالأمس نظراً لان الوضع فيها كان ان اللي يكسب يفوز باللقب مفيش تعويض

كنا شايلين حمل إن فريق ال١٨ سنه فازوا في المباراتين فمش عاوزين نضيع تعبهم

وطبعاً إن احنا مش عاوزين نخسر من الفريق المنافس بتاعنا بعد خسارة المباراه الأولي .

كيف رأيت المنافسة في البطولة هذا الموسم؟

المنافسه قويه جداً ، فريق سبورتنج طول عمره المنافس بتاعنا ولكن السنه ديه ليهم شكل مختلف

و بيلعبوا لعب جماعي مع وجود جهاز فني قدير و تشكيله من لاعبات منتخب مصر

ولم تكن المباريات اللي فاتت ولا القادمه هتكون سهله .

ما هو المميز فى النادي الأهلي على مستوي الالعاب الاخري “الصالات” عن الاندية المنافسة؟

الروح اللي بيلعب بيها الفريق وإصراره علي الفوز .

ما هو دور مجلس الادارة مع الفريق خلال الفترة الماضية؟

مجلس الاداره كان ليهم دور مؤثر جدا الفتره الماضيه و كالعاده بيقدموا كل الدعم و حتي بعد خساره السوبر

استمروا في هذا الدعم والتشجيع المستمر لينا .

ما هي الدوافع الجديدة للفريق بعد الفوز باللقب ؟

الدوافع الجديده بعد الفوز باللقب هو الحصول علي باقي الالقاب و اللعب في بطوله افريقيا بإذن الله .

أقرا أيضا

الأهلي زعيم أفريقيا بحثا عن النجمة الحادية عشر