طليقة خالد عليش تهاجمه مرة أخرى .. تعرف على السبب

إسراء البواردي

شنت الفنانة ميما الشامي طليقة الإعلامي خالد عليش هجوماً عليه.

نافية ما قاله حول أفتقاده أبنته وعدم تمكنه من رؤيتها.

مؤكدة أن ذلك عاري تمامًا من الصحة وأنه يحاول دائمًا تشويه صورتها.

وكتبت ميما الشامي عبر خاصية الأستوري حسابها بموقع التواصل الإجتماعي Instgram (للأسف أنا بقالي فترة بيتم إستغلال اسمي).

وتابعت (وأسم بنتي في حروب وتريندات مالناش دعوة بيها، وكنت ماسكة نفسي عن عدم الرد مهما حصل).

وأكملت (وأنا هرد على نقطة إنه بيصدر للإعلام إن البنت ممنوعة منه وهو هيموت ويشوفها، ومش هتكلم عن أي حاجة تانية).

موضحة (وده عشان عمري ما هبدأ بالكلام عن أي حاجة غير لو أضطريت زي دلوقتي).

وأضافت (للأسف وبشهادة كل الناس اللي حواليا، الأب اللي عمال يتكلم عن محكمة الأسرة وحق الأب في رؤية بنته وكذا نقطة ومعايا الورق الرسمي لكل كلمة).

وأكملت قائله (أتركوني أعيش في سلام وهدوء أنا وبنتي وأمي ومش عايزة أي حاجة).

مؤكدة (لأن أنا لست بالذكاء الكافي للتحدث في السوشيال ميديا، ومبعرفش ألعب ألاعيبها خالص وممكن أكون بعك).

وكان حديث ميما الشامي كان رداً على ما كتبه خالد عليش عبر حسابه بموقع Instgram.

حيث كتب (في موقف حصل في أخر 2015 عمري ما أنساه كنت راكن عربيتي في مكان).

وقال مستكملاً (وكنت داخل مستشفى بخلص فيها ورق في مصر الجديدة).

وأضاف (خرجت لقيت الونش شال العربية وداها مكان تاني ودمر الكبوت من قدام وحك العربية من معظم الأماكن).

وذكر (كنت راجع البيت مش طايق نفسي حرفياً بس أول ما فتحت باب الشقة).

(ميما بصلتي وهي صغنونة كده وأبتسمتلي أول إبتسامة مباشرة ليا، فضحكتلها أنا كمان ونسيت كل اللي مضايقني).

وأشار بقوله (أكتر حاجة مفتقدها هي الإبتسامة البريئة دي وحضنها الدافي بصوابعها الصغنونة قبل النوم).

مختتماً (ربنا يجمعني بيكي على خير دايماً ويوفقني في أي قرار يخصك).

الجدير بالذكر أن خالد عليش وميما الشامي تزوجا في ديسمبر 2013، وأنجبا طفلة.

وقد أنفصلا في نهاية العام الماضي، بعد زواج أستمر 6 سنوات بعد خلافات كبيرة نشبت بينهما.

ثم أقام حفل زفافه على الإعلامية ميرهان عمرو الشهر الماضي.