شاهد رسالة الفريق الأحمر لنهلة سامح بعد فوزها بأفضل لاعبة جماعية

كتب : أحمد حنورة

شاهد رسالة الفريق الأحمر لنهلة سامح بعد فوزها بأفضل لاعبة جماعية عام ٢٠٢١ / ٢٠٢٢ .

استطاعت نهلة سامح كابتن النادي الأهلي لكرة الطائرة الفوز بأفضل لاعبة جماعية لعام ٢٠٢١ / ٢٠٢٢ بعد مشوار طويل وحافل بالبطولات والإنجازات .

أسرع الفريق الأحمر بتقديم التهنئة لها وكانت البداية مع مدرب الفريق الكابتن حمدي الصافي :- الف مبروك الجائزة وهي تتويج لمجهودها خلال الفترة الماضية مع ناديها في تحقيق البطولات وايضا مجهودها مع منتخب مصر وتاريخها الكبير .

وأضافت آية الشامي :- الجائزة دي حاجه بسيطه اوي لكل اللي قدمته وتستاهل اكتر من كدا بكتير وان بجد كلنا مبسوطين بيها اوي .

وأسردت سارة أمين :- أحسن كابيتانو في الدنيا مبروك يا أحلى نهاليزو تستحقيها و تستحقي اكتر من كدة كمان بحبك اوي .

وأكملت دعاء الغباشي :- تستحقيها وكنت واثقه انك هتاخديها وتستحقي أفضل شخصية مش لاعبه بس .

واستكملت مايا ممدوح :- هي تستاهل اكتر من ده بكتير ونهلة من أحسن الشخصيات اللي قابلتها في حياتي و ربنا يوفقها دايما و تحقق كل حاجه نفسها فيها .

وواصلت زينة العلمي :- أنا مبسوطة ليها من قلبي بجد عشان هي فعلًا تستاهل التتويج واكتر كمان ونهلة ليها معزة خاصة عندي ودائمًا بتعلم منها .

وأشارت ندي وليد :- ألف مليون مبروك يا نهلة وفخورة بيكي جدا وانتي فعلا أفضل لاعبة .

وتحدثت مي محمود :- نهلة تستاهل كل خير وهي من أحسن اللاعبات الي انا شوفتها وباخدها قدوه واتمني دايما تفضل في نجاح وتقدم علي طول .

وأضافت أيضا آية خالد :- الف مبروك يا نهلة وتستحقيها عن جدارة و انتي احسن كابتن فرقة انا اتعاملت معاها وان ليا الشرف اني اتمرن والعب معاكي .

وأكملت هانيا خالد :- الف مبروك يا نهلة تستاهلي اكتر من كدة بكتير وانتي لاعبة كبيرة جدا و قائد للفرقة .

واستكملت مريم مصطفي :- ألف مبروك يا أحلا شخصية في مصر وأكتر لاعبة بحب ألعب جنبها وأفضل كابيتانو فرقة في مصر ودائما مشرفانا ونحقق بطولات وإنجازات مع بعض .

وواصلت مريم الصغير :- مبروك يا أجمل كابيتانو تستحقيها و ان شاء الله دائما في نجاح بحبك يا نهاليلو .

وأشارت شروق فؤاد :- ربنا يكرمك دائما يارب ويسعدك يا نهلة وانتي من أحسن وأنضف الشخصيات اللي لعبت واتعاملت معاها .

وتحدثت سلمي سعد :- احب اقولها انها تستاهلها فعلا و ان هي قدوة لينا جوة الملعب و برة الملعب .

وأختتمت مريم متولي :- مليون مبروك يا نهلة وتستاهلي كل خير .