سمية الخشاب: ندى الكامل مبسوطة بانفصالها عن أحمد الفيشاوي”تفاصيل”
إسراء البواردي
حلت الفنانة سمية الخشاب ضيفة على الإعلامية ياسمين عز في برنامج “كلام الناس” المذاع عبر قناة MBC مصر، وعلقت خلال اللقاء على انفصال الفنان أحمد الفيشاوي عن زوجته ندى الكامل.
أوضحت سمية الخشاب أنها تعرفت بندى الكامل قبل فترة ويوجد بينهما أصدقاء مشتركون، والتقت بها مؤخرا في مهرجان الجونة.
وقالت سمية الخشاب: “أنا في مرحلة معينة كنت خايفة عليها، شوفتها في الجونة وكان في مشاحنات خفيفة، أنا هديت الموقف لإن إحنا في مهرجان،بعدها قلتلها شوية نصايح، وأنا مبسوطة إنها سمعت نصايحي.”
وأضافت: أنا مبسوطة إنها انفصلت بطريقة راقية، وكتبت بوست راقي وشيك جدا، إن في احترام متبادل وانفصال بشكل كويس، وإنها خدت حقوقها.
وتابعت: طبعا أتمنى لأحمد الفيشاوي كل التوفيق، وهو طيب ولطيف جدا، بس حلو لو الناس مش قادرين يكملوا مع بعض ينفصلوا بطريقة حلوة.
ومن جانب آخر أضافت خلال حوارها احتمالية زواجها قريبا، ورأيها في الخيانة الزوجية،وأوضحت سمية الخشاب رأيها في عمليات التجميل، ووجهت بعض النصائح للسيدات والطلاب للتخلص من التعب أثناء المذاكرة، ونصائح أخرى حول الأكلات المفيدة في الشتاء.
وبدأت حديثها قائله: 2021 من أجمل سنين عمري، إتعلمت حاجات كتير وبدأت اهتم بالسوشيال ميديا،أبدأ يومي بالحمد والشكر لله، وأقول اليوم أكيد فيه مفاجآت حلوة، بحب الرقص جدا، وبطلت أسمع أغاني حزينة،في المرحلة الحالية مش محتاجة جواز، الجواز هيعطلني.
وأضافت : نفسي أتجوز نجار وأعمل سرير من الشجر وأعيش وسط الطبيعة وأكملت حديثها : مؤخرا احترمت نفسي وبقيت أهتم بصحتي وأملا بطني بطبق السلطة، وأنصح كل الناس بما إننا في الشتا بالكوارع وخصوصا الرجلين الأمامية للبقرة.
وصرحت حول عمليات التجميل قائلة : بعمل فيلر وبوتكس كل سنة ونص أو سنتين، و”ماسك” الزبادي والعسل أفضل، وأضافت :نصيحتي للستات اضحكوا قدام المراية حتى لو بالكذب، وقولي أنا سعيدة، العياط حلو جدا وبيخرج الطاقة السلبية
وأكملت حديثها عن الخيانه قائلة :مفيش حاجة اسمها تقصير من الست فالراجل يخونها، ومفيش حاجة اسمها نزوة.
وعلقت على أزمة الفنانة شيرين عبد الوهاب:شيرين قوية وهتعدي المرحلة دي، الحياة لا تنتهي عند حد،بحب أغاني شيرين جدا،وانا من عشاق ياني.
وأصافت تعليقًا على أزمة مطربي المهرجانات : نقيبنا الفنان الرائع هاني شاكر دايما عايز الرقي والكلمة الحلوة، طالما الناس بتحب المهرجانات خليك ذكي واختار كلمة حلوة.
