رد مُسلم على قرار توقفه عن الغناء “أنا الوحيد اللي اتظلمت”

“رد مُسلم على قرار توقفه عن الغناء”

كتبت: ايمان عبدالعاطي 

رد المُطرب الشعبي مُسلم على قرار منعه من الغناء بشعوره بالظلم من نقابة المهن الموسيقية.

وقال من خلال مداخلة هاتفية في أحد البرامج التليفزيونية في برنامج Mbc trending ( أنا الوحيد اللي اتظلمت الله اعلم بالباقي بقى بس انا اصلاً مستحقش ان اسمي يتحط بالشكل دة و لا أتوقف أنا جاهدت في المهنة دي و من صغري و انا بتعب و بشقى علشان اعمل الكيان دة فحد يوقفني في ثانية و كل حاجة تبوظ).

و أكمل حديثه قائلاً ( أنا كبير عيلتي و أنا المسؤول أنا مش مغني مهرجانات أنا في مسرح سيد درويش في الاسكندرية ووالدي مُغني قديم و حاجة واحدة هي اللي شهرتني اني غنيت تراك مهرجانات )

وأضاف المطرب مُسلم قائلاً ( أنا غنيت تتر مسلسل موسى و مسلسل المداح مع حمادة هلال و فيلم ماكو و عملت حاجات كتير فكنت اتمنى يكون في حاجة أفضل من كدة و هما كلموني من النقابة علشان ورقي و انا بخلصه و كل اما اكلمهم يقولولي موضوعك مع النقيب و انا مش عارف انا عنلت ايه و ليه مش حاببني مع اني معملتش اي حاجة و بدعي أن الامور تتصلح لان حالي موقوف)

و قام بالرد على المداخلة الهاتفية للمُطرب مُسلم المايسترو أحمد رمضان سكرتير نقابة الموسيقيين قائلاً ( بقاله اكتر من سنة بيقول بيحضر اوراقه و اوراقه مش هتخلص غير لما يتم ٣١ سنة لانه مُتخلف عن التجنيد )

و أكمل حديثه قائلاً ( انت معندكش مستند بيقول انك بتدرس او بيبين موقفك من التجنيد و دة مستند مهم بالنسبالي لملف العضوية )

و الجدير بالذكر ان في العام الماضي ٢٠٢٠ قام مسلم مغني الراب بطرح ڤيديوهات مهرجاناته على الموقع الشهير الخاص بالڤيديوهات يوتيوب و حقق نسبة مُشاهدة عالية تتخطى ال ١٠٠ مليون مشاهدة و هذا بعد ثلاثة شهور من طرحها فقط.

و يُذكر ان اخر اعماله في عام ٢٠٢١ اغنية سُكاتي من كتابة مُسلم ، و من ألحان مسلم ، و غناء مُسلم ، و من كلمات الاغنية كلشي كتيري و انا كانشوف الحقيقة حبستا بين ضلوعي سكاتي رجولة ماشي خوف و جراحي داوتها بدموعي كذبتوا الحق اللي في عيوني و خلتوا الكذابا يعدموني بكذبهم يا يما دفنوني.