إسراء حسني
قمنا بعمل لقاء خاص مع النجم أحمد سعد ضمن فعاليات مهرجان الموسيقى العربية للدورة 21 ، وصرح أحمد سعد للرأي عن معزته الخاصة التي تجمعه بالمهرجان وأن تلك المرة الرابعة لحضوره المهرجان، حيث قال(ولله مثلاً ممكن تكون دي المرة الرابعة، الصراحة فيه معزة خاصة بيني وبين الأوبرا دمنهور وبين دار الاوبرا بوجه عام وبين الموسيقى العربية بوجه عام، لأن بحس ان أنا بعمل فيها دور انا بتمناه وبحبو وبحب آديه أوي).
وتابع أحمد سعد حديثه قائلاً(لأن أنا طبعاً موسيقى عربي ودخلت موسيقى عربية وكنت عضو في فرقة أم كلثوم طول حياتي،بس كنت دايماً وانا في فرقة الكورال كدا مع الناس كنت بتمنى أما باجي أوبرا دمنهور كنت بجيها ونا لسا صغير كورال في فرقة الموسيقى العربية كنت ببص كدا واقول أنا هغني هنا سولو، لأن كان الحلم الوحيد في حياتي إني أغني في الموسيقى العربية).
وتحدث عن صغره عندما كان يأتي ككورال للمهرجان(لأن فعلا كنت بقعد أتفرج لما كنت لسا صغير في فرقة موسيقى عربية كنا كلنا كدا بنبقا لابسين البدل والببيونات ورا المايسترو، وبنبقا بنتفرج على القاعات قد أي هي مهما كان الناس بتتفرج عليها وبتشوفها حاجة مهولة لما أكون جوا الحدث حاجة مهولة، وكمان بالذات لما بقيت سولوست وبطلع أغني سولو مش قادر أقولك الأحساس قد اي هو ممتع ومبسوط وبتبسط ويارب أكون ببسط الناس زي ما بتبسط).
ووجه أحمد سعد جملة خلال اللقاء للذين يحبو في الأوبرا دمنهور قال(يعني هما كلهم عرفني قد اي أنا بحبهم، يعني هما بيحبوني وانا بحبهم وبنيجي نعمل سهرات مميزة جداً على قلبي).
وتحدث أحمد عن المهرجان للدورة 21 قائلاً (والله مهرجان الموسيقى العربية ده ليه طبع خاص، لأن احنا بناخد من أيد نوصل لأيد تانيه هي دي أحياء التراث اللي أحنا بنعملوا عشان كدا الواحد بيبقا دقيق جداً جداً في اللي بيعملوا كان فيه لعبة بتتلعب كدا حد يقول لحد كلمة في ودنو، فممكن يحصل كدا في التراث لو مفيش الموسيقى العربية ولازم تكون بتوصل بشكل معين عشان الناس تقدر توصلها بشكل جيد، ونعمل وجبة للناس لأن الناس تحس وهي في الموسيقى العربية بحنين معين مهما كانت ومهما حصلت في أنواع الموسيقى في الحياة لما بيجي جمهور الموسيقى العربية عشان يحس بأحساس معين بأحساس خاص فأنا بحبو جداً وبحب انو يتعمل دايماً وبحب أن أنا أشارك فيه).
وأفصح عن ما سيقدمه في المهرجان قائلاً (ولله أنا عامل أغنية دينية وأغنية دنيوية عامل أغاني تبسط الناس بكل المقاييس، يعني الناس كمان بتحب الأغاني الدينية وكمان بتحب الأغاني الدنيوية وبتحب تفرح وكمان من الدين انك تفرح الناس فأنا حبيت اعمل كدا يعني مش اقدم كلو ديني أو أقدم كلو فريحي الأغاني ال بتحبها الناس فهقدم أغنية كدا وأغنية كدا).
وأوضح عن الأزمات التي حدثت بينه وبين النقابة قائلاً(الحمدلله مفيش مشاكل بيني وبين النقابة لأن النقابة دي حاجة على دماغنا كلنا لازم نحترم قرار النقابة وانا من الناس ال بتحترم جداً قرار النقابة لاني عضو عامل مش عضو مكتسب للنقابة فأنا بحس أن أنا فرد من اللجنة أو فرد من العاملين في النقابة، فأنا يستحيل أن اكون عملت حاجة برا القواعد المعمولة بس أنا يمكن اكون اتأخرت بس لأن سافرت شهر عسل أو بعمل حاجة فرجعت ملحقتش أعمل حاجة فسوء تفاهم يعني).
بعض الصور لـ أحمد سعد من خلال المهرجان
