حسن الرداد عن شائعة وفاة والدة زوجته حسبي الله ونعم الوكيل في الصحافة الصفراء

كتبت سمر أشرف

استنكر النجم حسن الرداد الأخبار المتداولة حول وفاة حماته النجمة دلال عبد العزيز ونشر عبر حسابه على انستجرام قائلا(ياريت المواقع الصحفية اللي بيكتبوا اخبار عشان نسب المشاهدة ارحمونا شوية راعو مشاعر الناس وعيب علي مواقع كبيرة اللي تناقلت الخبر واللي اصبحت بالنسبة لي صحافة صفراء ليس لها قيمة الخبر المنشور عن حماتي غير صحيح )

وتابع منشور آخر قال فيه ( بالنسبة للمواقع الصفراء الرخيصة اللي كتبت أخبار غير صحيحة عن حماتي دلال عبد العزيز ياريت تحترموا نفسكم شوية اللي ينزل أخبار غير صحيحة تخص حياة انسان عشان يعمل ترند عي موقع يبقي واحد مش محترم ولا يحترم المهنة بتاعته اللي ألف باء فيها وجوب التحري والدقة )

وتابع( احنا بقالنا شهور في المستشفى كلنا متواجدين مع حماتي دلال عبد العزيز وقاعدين قدمها 24 ساعة فجأة نلاقي انا ورامي و إيمي ودنيا سيل من المكالمات والرسائل من كل اهلنا وحبايبنا بيطمنوا )

وتسأل (حقيقي عايز اسال اللي كتب الخبر لو حد فينا كان بعيد وسمع الخبر ده حضرتك متخيل كان ممكن يحس بأية أو ممكن يحصل له ايه علي ما يتأكد أن الخبر مش مضبوط؟)

ووجه الرداد كلمة لصاحب تلك الاشاعة قائلا( مش هقولك ياريت يحصل فيك نفس الموقف عشان تعرف المصيبة اللي انت عملتها بس حقول حسبي الله ونعم الوكيل) .