حديث أحمد فهمي في برنامج حبر سري “مش بضايق لما بيقولو أحمد حاتم لايق على هنا الزاهد اكثر مني في التمثيل”
أحمد فهمي في برنامج حبر سري
“أحمد فهمي في برنامج حبل سري” جاء الفنان أحمد فهمي ضيفاً في برنامج حبر سري و الذي تقدمه الاعلامية أسما إبراهيم على قناة القاهرة و الناس.
كتبت: إيمان عبدالعاطي
و في الجزء الأول من البرنامج كشف الكثير من الأسرار سوف نقدمها لكم خلال السطور التالية
قال الفنان أحمد فهمي ( أنا و شيكابالا كنا اصحاب جداً و هو دلوقتي مش عدوي و مش بنكره بعض و لو شوفنا بعض مش هنتخانق تاني و مش بحب انفخ في النار و دي مش خناقة مع ممثل لا دي خناقة قلبت بأهلي و زمالك و تعمل فتنة بين الجماهير ، أكرم حسني و علي ربيع و مصطفى خاطر اخواتي و اكتر ناس صحابي في الوسط الفني، وأكرم حُسني بيضحكني أكتر من اي حد و أكرم أقرب حد ليا في الدنيا و دة بحكم العشرة مع بعض )
و أكمل حديثه قائلاً ( شيكو و هشام ماجد هما حاجة و الباقي حاجة و في علاقات عائلية و لكن الفترة دي بحُكم الشغل انا و اكرم مقربين أكتر ، راضي على كل الادوار و عمري ما عملت ادوار عشان عليا ديون او اقساط و عمري ما بتحط تحت ضغط و اختياراتي من دماغي و التوفيق بتاع ربنا ، أنا مش عارف محمد رمضان عاملي متابعة و لا لا بس احنا مش بنشوف بعض كل يوم و احنا مش صحاب ، بس انا بتابع صحابي اكتر هما أكرم حسني ، محمد اسامة ، اوس اوس ، مصطفى خاطر ، محمد عبد الرحمن ، محمد إمام ، أحمد السعدني).
و تابع ايضاً من خلال تصريحات آخرى ( هنا الزاهد و أحمد حاتم لهما اكثر من عمل بعد فيلم قصة حُب ، و لو انا متضايق من أحمد هخلي مراتي تمثل معاه كل الاعمال دي ازاي ، مش بضايق لما بيقولوا ان احمد حاتم لايق على هنا الزاهد أكثر مني في التمثيل و مش كل حد هيقول حاجة هعمل له قيمة ، و دة كله كلام فاضي ، لما بتخانق مع هنا أنا اللي بصالحها الاول و هنا مسيطرة جداً ، و أنا غلبان جمبها في البيت ، و دي حاجة حلوة بحبها في البيت).
و من ناحية آخرى سوف يأتي الفنان أحمد فهمي ضيفاً في برنامج حبر سري الذي تقدمه الاعلامية أسما إبراهيم على قناة القاهرة و الناس مساء يوم الجمعة ١٩ نوڤمبر القادم الساعة ١١ مساءً.
