جوري بكر ضريبه الشهرة والنجومية جعلتني اتمني العودة مرة أخري لحياتي الطبيعية

حوار : أحمد حنورة

تعد جوري بكر هي فنانة وإعلامية تألقت بشكلٍ لافت في مسلسل «البرنس»، والذي كان بمثابة «وش السعد عليها»، خصوصًا بعد تلقيها عدة عروض جعلها تتألق في أكثر من عمل فني.

لتفتج جور قلبها لموقع « الرأي »، بعد ظهورها في مقطع فيديو من إحدي الإيفنتات التي حضرتها مؤخرا، وانتشر علي وسائل التواصل الاجتماعي بطريقة سريعة جداً ما أثار حافظة الجميع.

وأعربت الفنانة جوري بكر عن اندهاشها الشديد من هذا الفيديو والذي تحدثت فيه عن حياة المشاهير والفنانين على السوشيال ميديا، مضيفة أنها حينما تحدثت في هذا الموضوع فإن التعبير لم يخونها مطلقا في أي مما قالته.

وتابعت: «كل اللي قولته إن حياة المشاهير والناس اللي بتشفوهم علي الإنستجرام فعلا حياة مش حقيقة، واللبس والحجات اللي أنتم بتشوفوها دي كلها مجرد جزء من شغل إحنا بنشتغله وبنعمله دعايا، فماينفعش أقارن نفسي بحد في الجزء الحلو وأسيب الجزء الوحش بتاعه».

وأكدت الفنانة جوري أن الفنانين أناس طبيعيون جداً يمرون بفتراتٍ صعبة مثل أي شخص، مضيفة: «مش كل أيامنا وردي زي ما كل الناس متخيلة، واللي ما نكونش على طبيعتنا وفعلا الفترة الأخيرة نفسيات الناس مش حلوة، ولحد دلوقت برضو مش كويسة، في ناس كتير فاكرة إن دي حياتنا الحقيقية، ودي فعلا مش حياتنا الحقيقية والله».

وأضافت: «أنا قولت عشان يبقي شكلك حلو من بره مش لازم تلبسي براندات من فوق لتحت وأنتِ نفسيتك من جوا مش كويسة وده عمره مهيبان على وشك، وهيبان إنك مش كويسة في الحقيقة».

وقالت جوري: «لا اللبس عمره بيعملنا ولكن إحنا اللي بنعمل اللبس، وتحدثت أيضا عن موضوع الفلاتر وكنت بستخدم فلاتر كتير، ومن قريب ابتديت أبطل فلاتر وإيديت لصوري، لكن بعمل تاتشات بسيطة، ما كانش قصدي أي حاجة نهائي وبلبس زيي زي أي حد من أي محل من المحلات، فإحنا مش عايشين حياة هلامية فوق في السماء والناس تحت».

واختتمت تصريحاتها قائلة: «أنا كنت أتمنى إن الزمن يرجع بيا 10 سنين لورا وأبقى إنسانة طبيعية مش مشهورة ولا معروفة، وإحنا مضغوطين جامد في الشغل، وده إننا لازم نكون تحت ضغط دائماً ولابسين كويس عشان ده شغلنا وأكل عيشنا».