تغريدات سمية الخشاب تثير الجدل…تفاصيل

تغريدات سمية الخشاب عن التحرش ووجهت من خلال حديثها عبر تويتر للرجال وتثير الجدل بأكثر من تويتة.

أسماء حسني

تحرص النجمه سمية الخشاب كل فترة على أن تكتب تويتة من خلال حسابها على تويتر وترد ايضاً على أسئلة متابعيها ولها جمهور كبير على منصات التواصل الإجتماعي، وكتبت عدة تويتات تثير حالة من الجدل وخاصتاً ردها الحاد على الرجال.

وفي انتشار ظاهرة التحرش طالبت الرجال الذين يبررون التحرش أن يرتدوا مايوه بوركيني وغردت سمية الخشاب وقالت(أي حد بيحط مبرر للتحرش إن اللبس السبب عايزاك ياجميل أنت وهو تلبسوا مايوه شرعي ، وأنتو نازلين البحر في الساحل عشان لبسكم  ده بيستفزنا وممكن نتحرش بيكم )

وكتب لها شخص من متابعيها على حسابها لموقع تويتر ( إحنا نرجع وأد البنات عشان حواراتهم كترت ) لترد عليه سمية الخشاب بكل قوة قائلة ( دمك خفيف جداً مش قادرة ، الهزار في الحاجات دي بيدل أنك لسه مطلعتش من الجاهلية أنت وإللي زيك ، بتحاولوا تنشروا فكرة أن البنات أقل من الأولاد وأنهم أقل كفاءة وكده ، عاجزة أقولك ضفر أي بنت بـ 10 من عينتك )

يسألها أحد متابعيها أيضاً بخصوص رأيها في الرجال وتقول المتابعه ( رأيك ايه ف الرجاله ياسوسو ) لترد عليها سمية الخشاب وتقول( مش كلهم بس معظمهم عاملين زي السجاير ، حرق دم وصحه).

وجهت ايضاً سمية نصيحة لجمهورها بمد فترة الخطوبة مسانده في كلامها البنات وأن فترة الخطوبة لا تقل عن سنة ونصف حتى لا يحدث طلاق بين الطرفين وقالت ( المفروض فترة الخطوبة متقلش عن ينة ونص على الأقل وارحمونا بقى من الخطوبة وكتب الكتاب مع بعض بالمرة عشان عايزين نفرح بالبت وعايزين نتطمن علة البنت ونسترها ، قوم أيه بقي ترجع البنت بعد شهرين تلاته متطلقة ، ولو عمرت معاه هتتحمل الهن عشان خايفه من كلام الناس أو عشان العيال )

وفي تويتة أخرى قالت (بريتني سبيرز 14 سنة فولايه أهلها ودلوقتي هي بطله قومية لانها صمدت كل الوقت ده ، امال الست المسكينة اللي بتبقى طول حياتها فولايه راجل وياريته بيتقي ربنا فيها دي تستاهل ايه ، تمثال ، تحيه لكل ست صبوره )

والجدير بالذكر أن سمية خضعت لجلسة تصوير وأرتدت بورنس أحمر في دبي وصرحت بأن سعره يصل إلى 30 الف دولار والمجوهرات بـ  200 ألف دولار

وبخصوص تصدرها الترند قالت ( الترند رزق زي حب الناس ونعمة أدعو الله أن يديمها علي ).