تامر حسني يؤكد انفراد “الرأي”: أنتِ اللي مضيتي وصورتي الفيلم بكامل رغبتك

كتبت سمر أشرف

تأكيداً علي انفراد “الرأي” الذي حصلنا علية منذ قليل بأن “تامر حسني” لم يوعد “حلا” بعدم نزول الكليب على اليوتيوب أنها حلا قامت بتصوير الفيلم برضاها وتقاضت أجر كبير على هذا الدور .

ليلجأ إلى صفحتة علي انستجرام ويعلق علي ما فعلته حلا من تبراها بالفيلم وكليب أغنية “بحبك” قائلاً(نهاركم جميل يا أغلى الناس، الحقيقة عمري ما بتخيل إني أدخل في نقاش بالشكل ده مع زميل بحترمه وكان في بينا كل خير.. للتوضيح بما إنك يا حلا كتبتي بوست وشركتي الجمهور الكريم معانا بدلا ما كنتي تكلميني شخصياً ونتناقش بيني وبينك، فأنا مضطر أرد هنا برضو .. أولاً أنا عمري ما وعدتك إن الكليب مش هينزل دا محصلش أصلاً يا حلا مش أنا خالص اللي أوعد أخلف … الحقيقة أني احترمت كلامي معاكي ووعدتك أشيل مشاهد تانية طلبتيها وشيلتها بالفعل وشكرتني عليها ولو حابة تفتكري المشاهد اللي اتشالت بعد إذنك روحي شوفيها في المونتاچ عند الأستاذ عمرو عاكف أو كلميه يبعتهالك كلها موجودة، وبعدين الفيلم بقاله 3 أسابيع في السينمات والكليب موجود جوه الفيلم هو بالنسبالك الحرام إننا ننزل الكليب على اليوتيوب بس!!، إنما الكليب يتشاف جوه السينمات عادي؟!، منطق غريب فعلاً يا حلا”

وتابع من خلال منشورة علي إنستجرام قائلا(وبعدين هو مش أنت اللي مضيتي عقد وتقاضيت عليه مبلغا كبيرا عشان الدور دا بعينه !!!!! هو مش أنت اللي صورتيه ومثلتيه بنفسك وبمنتهى الرضا ولاّ حد أجبرك؟!).

وأضاف (وبعدين أي فيلم بيبقى ليه خطة مسبقة في الدعاية وأنت عارفاها كويس ووافقتي عليها ودا كليب رومانسي يعني معقول كنتي عايزة المنتج يشيل كل مشاهدك اللي صورتيها من الكليب ويطلعني بغني وبقول الكلام الرومانسي دا للأستاذ ماجد الكدواني مثلاً هو دا يُعقل؟).