بعد خضوعها لعملية جراحية.. أحمد العوضي لـ ياسمين عبد العزيز: أنا ضعيف أوي من غيرك
داليا أشرف
أعرب الفنان أحمد العوضي عن حزنه الشديد بسبب الحالة الصحية التي تمر بها زوجته الفنانة ياسمين عبد العزيز، التي أجرت أمس عملية جراحية في إحدى مستشفيات مدينة نصر.
وكتب أحمد العوضي عبر حسابه على موقع التواصل الاجتماعي “فيسبوك”، قائلًا: “يمكن ببان قدامكم دايماً قوي لكن الحقيقة أنا دلوقتي أضعف إنسان على وجه الارض عشان أنا روحي مش معايا”، وتابع قائلاً: “أنا ضعيف جداً من غيرك أنتي لازم تبقي كويسة ولازم تقومي بالسلامة، أنا لأول مرة أكتب من غير ما أكون مفكر أنا بكتب ايه وهكتب ايه بس أنتي هتقومي أن شاء الله بأذن الله عشان انتي وعداني وعد وهتتفذيه”.
وتابع: “أنا عاوزك تبقي كويسة وتقومي عشان أقولك إني لو كنت ببينلك إني بحبك مرة فالحقيقي واللي جوايا إني بحبك الف مرة”، وأوضح “العوضي”: “وانا دلوقتي مش قوي زي ما أنتي بتشوفيني أنا دلوقتي ضعيف ضعيف جداً لحد ما تقوميلي تاني عشان زي ما أنتي بتاخدي قوتك مني أنا كمان باخد قوتي منك”، مستكملاً كلامه: “قومي عشان أنا بحبك بحبك أكتر بكتيير من كل الكلام اللي أنا كتبته أكتر بكتير من كل اللي عدينا بيه مع بعض من أيام حلوه ومواقف صعبة مرت علينا أكتر بكتير حتي من الموقف اللي احنا فيه دلوقتي أنا بحبك”.
وطلب “العوضي” من متابعيه وجمهوره بالدعاء لزوجته “ياسمين عبد العزيز” وكتب قائلاً: “أدعولها تقوم بالسلامة زي ما انتو دايما بتدعولها بالنجاح والتوفيق هى دلوقتي محتاجه دعواتكم”، وتفاعل الكثير من المتابعين معلقين: “ربنا يشفيها شفاء عاجل”.
