الوايلي يحذر من التعاون مع المطربة سمر طارق بعد نجاح أغنية مسلسل “سفاح الجيزة”
إسراء البواردي
وجه الموزع الموسيقي الوايلي تحذيرًا لجميع أصدقائه بعدم التعاون مع المغنية الشابة سمر طارق، وذلك بعد إنتهاء عرض مسلسل “سفاح الجيزة” ونجاح أغنيتهما سويًا “عتمة”.
كتب الوايلي عبر حسابه بموقع Facebook: “مساء الفل .. مبسوط أن سفاح الجيزة خلص وكنت مستنى اللحظة دي عشان أقول حاجة مهمة.
دى آخر مرة في حياتي هتعامل فيها مع سمر طارق، لأسباب كتيرة جدًا أولهم عدم الإحترافية والمهنية، وثانيهم محاولاتها في إنكار أي دور ليا في أي حاجة لدرجة توصل أنها بتكدب كدب صريح فى الإنترفيوز لمجرد إنها تدي كريدت لنفسها على حاجة معملتهاش”.
وتابع: وأنا بكتب دلوقتي حسيت إن كمية المواقف إللي مش لطيفة إللى هى كانت السبب فيها أو الإدارة بتاعتها السبب فيها على مدار السنة إللى فاتت كلها سواء فى تراك لو بتاع الهرشة السابعة أو عتمة كتيرة اصلًا على أنى أشرحها أو أتكلم عنها .. فا هكتفي بأنى أحذر صحابى البروديوسرز منها وخلاص .. وبجد بتمنى الظروف متستدعيش أقعد أحكى كل موقف حصل فيه إيه عشان مش دا إللى حابب أكون بضيع وقتى فيه الفترة الجاية.
يذكر أن أغنية “عتمة” حققت نجاحًا كبيرًا في الفترة الماضية منذ بداية عرض مسلسل “سفاح الجيزة”، رغم طرحها في 2021، ووصلت عدد مشاهداتها عبر موقع YouTube إلى أكثر من مليون مشاهدة.
