المخرج محمد دياب يعبر عن غضبه من الهجوم على فيلم ريش
سعاد محمد
نشر المخرج محمد دياب منشوراً عبر صفحته الرسمية بموقع التواصل الإجتماعي الفيس بوك، يعبر فيه عن موقفه من عرض فيلم ريش وما حدث من أنسحاب بعض الفنانين قبل نهاية العرض، إعتراضاً منهم على مضمون الفيلم.
وقد عبر المخرج محمد دياب عن غضبه من رأى الفنان شريف منير عن الجوائز التى حصل عليها فيلم ريش قائلاً (كلام الأستاذ شريف منير أن الجوائز التى حصل عليها فيلم ريش، هي مؤامرة من الغرب على مصر كلام خطير جداً خاصة أنه من فنان كبير).
و تابع دياب حديثه وقال (هتكلم من خبرتي كشخص عضو لجنه تحكيم فى مهرجان كان، مفيش إنسان لا بالتلميح و لا بالتصريح بيحاول يأثر على اختيارات لجان التحكيم، واللي أعضاءها بيكونوا من فنانين مميزين من أنحاء العالم).
مشيراً أن (إدارة أي مهرجان دورها بينتهي بإختيار الافلام المشاركة، ويسأل في ذلك الفنانين اللي كانوا أعضاء لجان التحكيم في المهرجانات الثلاثه الكبرى زي هند صبري و نيللي كريم و محمد حفظي).
وأوضح دياب عن سبب أن نوعية الأفلام المشاركة فى المهرجانات هى أفلام مستقلة تتناول مشاكل المهمشين والفقراء والعشوائيات وقال ( لأنها أفلام مش متوقع منها تجيب فلوس فبيبقى عند صناع العمل الجراءة أنهم يعملوا أختيارات فنيه جريئة، و ده بيخليها مغرية للمهرجانات اللي بتدور على سينما جديدة و ومختلفة).
وأشار المخرج محمد دياب(إلى أن سنة 2019 الفيلم الفائز بجائزة البالم دور هو شوب ليفترز الياباني، و سنة 2020 فاز بنفس الجائزة فيلم باراسيت الكوري، وبعدها أكتسح الأوسكار فيلمين عن العشوائيات فى دول عالم أول، وأحتفلت بلادهم بالفيلمين و بصانعيهم بالرغم من أن العشوائيات نسبتها في الدولتين لا تذكر).
أما عن رأيه الفني فى فيلم ريش قال(المميز في فيلم ريش مش الفقر، بل أسلوب مخرجه الجرئ وطريقه سرده المختلفه، و سواء عجبك الفيلم او لأ، لازم نشيد بأن الفيلم ده فيلم بصوت وطعم مختلف فنياً مش موجود في السينما المصريه، الفقر و المشاكل لا يمكن يدخلوك مهرجان كبير لو مفيش جودة صنع أو تجربة سينمائية رائدة).
واختتم حديثه عن موقف الفنانين من الفيلم وقال(ولو الفنانين نفسهم هم اللي بقوا بيرددوا الإتهامات اللي من نوعيه تشويه مصر فدي مصيبه، لأن الكلام ده فيه مزايدة علي الرقابة و على المهرجانات اللي بتختار الافلام، وبمنطق أستاذ شريف كان هينسحب من عرض الفيلم العظيم الكيت كات، اللي كان بطله و قدم فيه دور عظيم و كنا أحترمنا من أعظم فيلم مصري، وأكد على أن عمر الزهيري مخرج مصري واعد، و يستحق مننا كلنا التحيه و التشجيع، و فيلم ريش مدحه و ذمه لازم يكون في داخل الإطار الفني فقط).
