الشيف هالة فهمي تبكي في أول ظهور لها بعد وفاة زوجها الأسبوع الماضي

إسراء البواردي

عادت هالة فهمي لتقديم برنامجها “ست الحبايب” على قناة “هي” وفي مقدمة حلقة اليوم نعت زوجها وهي متأثرة وقالت: “إيهاب مكنش بس جوزي ولا عشرة عمري كان أخويا وأبويا وابني، أنا أتجوزته وأنا صغيرة، أنا عشت معاه أكتر ما عشت في بيت أبويا”.

وأضافت هالة فهمي: “لما أبويا مات محستش بالإحساس إللي حساه دلوقتي، وحتى أمي لما ماتت زعلت طبعًا لكن غير إللي حاسه بيه دلوقتي، أنا الفترة إللي فاتت دوقت طعم المرار حتى بوق المايه طعمه مر حاسه أني لوحدي رغم كل الناس إللي حواليا”.

وتابعت: “أول مرة أطلع حلقة وهو مش قاعد يتفرج، كان عنده الساعة 12 ميعاد مقدس، حتى لما الفترة الأخيرة كان تعبان وساعات يغيب عن الوعي كان يركز وقت البرنامج ويطلب يفتحوا التليفزيون”.

وإختتمت كلامها: “كنت أرجع وأفضل أحكيله، هو عشرة العمر وحبيب العمر، هتقولولي هو في مكان أحسن، وأرتاح ويارب يجعل كل الآلم اللي كان فيه في ميزان حسناته”

ورحل زوج الشيف هالة فهمي قبل أسبوع بعد معاناة من المرض.