إنعكاس للي وصلناله فى هوس السوشيال ميديا … تعليق ريهام حجاج على مذبحة الإسماعيلية
كتبت ندى السبكي
علقت الفنانة ريهام حجاج على واقعة المذبحة التي حدثت في الإسماعيلية أمس من خلال خاصية الإستوري بحسابها الشخصي بموقع التواصل الإجتماعي لتبادل الصور والفيديوهات إنستجرام.
وكتبت قائله (جريمة الإسماعيلية مش حتكلم كتير علي الفعل الوحشي اللي حصل من حد شوفنا زيه متطرفين ومجانين كتير، أنا اللى مستوقفني بالفعل هو الزمان والمكان، إن ده يحصل في ميدان عام وفي عز الضهر !!!! وقصاد كل الناس دى اللى كانت بتتفرج، والمفزع هو ردود أفعال الناس (رغم أن المصريين معروفين بالشهامة والجدعنة والتدين).
وتابعت ريهام كلامها (طيب لو قلنا أن ما حدش اتحرك عشان اتفزعوا أو خافوا من المجرم طيب اللي ماسك التليفون بيصور الجريمة وهى بتحصل هو فى إيه ولا فى إيه ؟ جاب منين القدرة علي مسك الموبايل وتصوير المشهد وهو بيحصل …ازاااااي الفكرة أصلا خطرت على باله إزاي بصراحة).
وأنهت ريهام حجاج موضحة (مذبحة الإسماعيلية هى انعكاس للى وصلناله فى هوس السوشيال ميديا اللى تخلى واحد يهمه أنه يصور اللى بيحصل أكتر ما يهمه إنقاذ الضحية!! للأسف التكنولوچيا على قد ما ادتنا حاجات على قد ما موتت مشاعرنا وانسانيتنا، و لسة بيقولك ميتاڤايرال، إحنا استكفينا تكنولوچيا احنا محتاجين إنسانية وشهامة ومبادئ وطيبة ورحمة وأخلاق و ضمير).
