إدراة مهرجان الجونة تحافظ على تواجد صالون الصغير رغم رحيله
كتبت أسماء حسني
نشرت الإعلامية بوسي شلبي في فيديو من صالون محمد الصغير الذي تم تخصيصه بداخل مهرجان الجونة السينمائي عبر حسابها الشخصي على الإنستجرام، حيث ظهرت من خلال الفيديو وهى داخل صالن الماكيير الراحل محمد الصغير، وقالت فيه (من الجونه طبعاً أنتو عارفين أول حاجة أنا بعملها وأول حاجة ببدء بيها يومي في مهرجان الجونة).
وتابعت بوسي موضحة (مش أنا بس اللي ببدء يومي كل اللي بيجي المهرجان كل الفنانات الحلوات بيبدءو يومهم هنا لأن الريد كاربت ميحلوش غير بالمكان الحلو ده، طبعاً هو كل سنة معانا واقف بيستقبلني وواقف يرحب بيا وواقف يسجل معايا، ولكن حضوره القوي وروحه في كل مكان بتستقبلني بردو بجد بجد بجد اللي خلف مماتش).
واستكلمت (أنه نبدأ ندخل المكان كدة بالحاجات اللي عاملها محمد الصغير كل التكريمات العربية والعالمي والمصرية اللي أخدها وصوره بتستقبلنا في كل مكان)، ووجهت كلامها لنجل محمد الصغير قائله (أكيد مصطفى اللي خلف مامتش زي ما محمد أحسن تربية جيل كامل ف المهنة فـ هو أحسن تربية برضو ولاده).
وقالت أيضاً بوسي خلال هذا الفيديو (ودايماً بقول أن العمل الصالح اللي بيسيبه أي إنسان هو أولاده الصالحين اللي بعده بيعملولو حاجات كويسة، أنا لما كنت بدخل الصبح بلاقيه هو اللي بيستقبلني بإبتسامته الحلوة دي، فـ بقولهم كلهم هتيجوا تلاقوا محمد بيستقبلكوا بالإبتسامة الحلوة بتاعته كالعادة وبأبنه بإبتسامته الهادية اللي واخدها منه).
كما قالت أيضاً (عايزة أقولك كمان أنت عامل حاجه جديدة فكر الشباب بقا، بوصو عامل خصوصية لكل فنان لأن كانو الفنانين لما بيجوا كله بيبقي قاعد مع بعضه والفنانات بيبقوا مش عايزين حد يشوفهم شعرهم أو مكياجهم إزاي فـ كل واحد هيبقي برايفت أهو ياجماعة).
وتابعت تصوير في المكان مؤكدة (أنا هوريكو بقا المكان طبعا الساحر أنا هعملهم الميكب النهاردة في أوضه الساحر، وأوضة خلي بالك من زوزو، وأحكي ياشهر زاد وطبعاً هتلاقوا صور محمد مع كل واحد عملوه شغل، وطبعاً أوضه سيدة القصر وياترا مين سيدة القصر اللي هتيجي تعمل شعرها هنا، شوفو الأماكن).
وأستكلمت تصوير داخل الصالون بإنبهارها بالديكور الرائع داخل الصالون ووجهت الكاميرا داخل غرفة الساحر التي تملئها صور الماكيير محمد الصغير وأيضاً في كل غرفة وصور محمد الصغير منذ الطفولة، وأيضاً غرفه بحب السيما وتابعت (أن مصطفي أخذ أكبر عدد من الفنانين في اللي هيعملو ميك أب وشعر).
وقامت بوسي شلبي بتوحيه الكاميرا وقامت بتصوير صورة للفنانة شيرين رضا، وهمت بالدخول إلى عرفة 3 دقات وقالت (أن يسرا تبع أوضه 3 دقات)، وصورت أيضاً غرفة الشوق وبها صورة للفنانة مع محمد الصغير وأيضاً غرفة المصير الإضافة إلى غرفة الجزيرة وهى الغرفة الخاصة بالنجم أحمد السقا، وكانت أكبر غرفة هى غرفة طيور الظلام.
وأستكملت التصوير متجه لجميع أنواع الميك أب المتواجدة في الصالون الذي جدده مصطفى الصغير نجل الماكيير الراحل محمد الصغير ليحيي به جمهور محمد الصغير، كما صورت أيضاً جميع صفوف والعمل والعاملين داخل الصالون مشيدة بإلتزامهم بإرتداء الكمامات والإلتزام بالإجراءات الاحترازية.
وتابعت بوسي شلبي بكاميراتها التصوير متجه إلى غرفه يوم للستات والذي كان بداخله راندا البحيري، وأيضاً غرفه واحد صفر، وأختتمت بوسي شلبي كلامها مؤكدة على أنها فخورة بهذا المكان وبـ مصطفي الصغير نجل الماكيير الراحل محمد الصغير.
