أكرم حسني يكشف قصة التحاقه بكلية الشرطة وتعرضه لموقف محرج بسبب« برص»
حل أكرم حسني ضيف علي برنامج« السيرة» علي قناة« دي ام سي» الذي تقدمه الاعلامية وفاء الكيلاني ، و اثناء الحوار تحدث عن بدايات التحاقه بكلية الشرطة .
أوضح حسني، أنه لم يكن لديه أي ميول للحياة العسكرية، لكن جده وعمه كانوا ضباطاً في الجيش، فتأثر والده بحياة الانضباط والالتزام.
فقدم له بعد الثانوية العامة في كلية الشرطة، لافتا إلى أنه عندما خضع لاختبارات القبول بالكلية كان يتمنى ألا يقبلوه، لكن فوجئ بنجاحه فيها في النهاية
تابع: « كنت قدمت في التنسيق وجالي كلية تجارة، ولما روحت اختبارات كلية الشرطة كمان بقيت أقول لنفسي إن شاء الله مش هعدي».
أضاف،« لكن لقتني نجحت في النهاية، يومها أبويا عزمني على الغدا وحسيت في عنيه لمعه إنه كمل في كلية الشرطة، فوافقت ودخلتها عشان أفرحه» .
استكمل، «أوقات بقول يمكن دخولي كلية الشرطة وإني أبقى ظابط رغم إني مكنتش عاوز ده وإني عملت كده لمجرد أرضي أبويا ده خلى ربنا كرمني في النهاية واشتغلت الشغلانة اللي بحبها».
استطرد، «لما نجحت في التمثيل كان فخور بيا جدا برضو، لأن راضيته ورضيت نفسي».
و قال أكرم حسني، إنه توجه لعمله في الشرطة، ذات يوم بالقرب من مبنى الإذاعة والتلفزيون ونسي زجاج السيارة مفتوحاً، وعند خروجه وعودته للمنزل، فوجئ أثناء تواجده على كوبري أكتوبر بـ«برص» داخل السيارة.
أضاف، «توقف على الفور، وخرجت من السيارة، فتعطلت حركة المرور على الكوبري بسببي».
تابع:« خرجت وقفت جنب العربية وسكت، لأن أنا بخاف وبقرف جدا من الزواحف، كنت لابس لبس الشغل وقتها، فجه أمين شرطة قالي خير يا باشا العربية فيها إيه قولتله العربية فيها برص».
استكمل، « الراجل مصدقش قالي أيوا يعني أنا دلوقت اعمل إخطار أقول ايه قولتله قول إن العربية فيها برص؟».
اختتم، « المهم كان في موكب معدي والعربية لازم تمشي فجابوا ونش وركبت جنب سواق الونش وأمين الشرطة هو اللي ركب العربية لحد ما اخدوها على جنب وقعدوا ينفضوا الكنب ومركبتش غير لما شوفت بعيني« البرص» وهو خارج .
